فلوسك ويومك في تطبيق واحد
وش أقدر أصرف اليوم وأنا مرتاح لين الراتب؟
تواز يجاوبك برقم واحد كل يوم: كم تقدر تصرف لين الراتب، محسوب على جهازك من راتبك والتزاماتك وصرفك. ومعه مهامك ومناسباتك، واسأل تواز عن أي شي فيها.
- مجاني
- بدون حساب أو تسجيل دخول
- يشتغل بدون إنترنت
- آيفون بنظام iOS 18 أو أحدث
الخدمات
كل يومك في تطبيق واحد
الشاشة الرئيسية في تواز تجمع خدماتك، وتقدر تخفي اللي ما تحتاجه. كلها تشتغل على جهازك وبدون حساب.
-
متوفر الآن
مصاريفي
المتاح لك اليوم، ودورة راتبك، والتزاماتك، وعملياتك. وقبل ما تشتري، «أقدر أشتريه؟» يوريك وش يصير لرقم اليوم.
-
متوفر الآن
مهامي
رتّب وش عليك اليوم، مع العادات ووقت التركيز.
-
متوفر الآن
العداد
تابع المناسبات اللي تنتظرها، يوم بيوم.
-
متوفر الآن
اسأل تواز
اسأل عن راتبك ومصاريفك ومهامك بالعربي أو الإنجليزي، والجواب من بياناتك في تواز.
ودجت الشاشة الرئيسية للمتاح اليوم والمهام والعداد.
قطّة — المصاريف المشتركة
سجّلوا مصاريف الرحلة أو السكن أو العزومة في دفتر واحد يشوفه الكل: مين دفع، ولمين، ومين له ومين عليه — وتسوّون الحساب بأقل عدد من التحويلات.
تحت التطوير والاختبار الداخلي، ولم تُطلق بعد. لما تنزل بتحتاج تسجيل الدخول بحساب Apple لأنها مشتركة بين أكثر من شخص، وتواز ما ينقل أي فلوس — يسجّل ويحسب بس.
الرقم
رقم واحد، ومعناه واضح
المتاح اليوم هو المبلغ اللي تقدر تصرفه اليوم بدون ما تضغط على باقي أيام الدورة.
-
سقف اليوم
ينقص مع كل عملية تسجّلها اليوم، ويوقف عند الصفر — ما ينزل تحته أبدًا.
-
مو رصيد حسابك
رصيدك شيء، ورقم اليوم شيء ثاني. تواز ما يضيف رصيدك لميزانيتك؛ يستخدمه بس عشان رقم اليوم ما يتجاوز اللي يقدر حسابك يغطيه.
-
وإذا تجاوزت؟
يقول لك بكم تجاوزت اليوم، وكم صار نصيب كل يوم من بكرة. بدون لوم، وحدّك ما يتغيّر إلا إذا غيّرته أنت.
الحساب
من الراتب إلى رقم اليوم
نفس الخطوات كل مرة، على جهازك وبدون تقدير. وكل رقم تقدر تفتحه وتشوف من وين جا.
الراتب 12,000.00
الالتزامات الثابتة 3,500.00
اللي تبي تحفظه 1,500.00
صرفك من بداية الدورة 1,009.00
الباقي للدورة 5,991.00
الأيام الباقية لين الراتب 15
المتاح اليوم 399.40
-
دورتك من راتب لراتب
28 أو 29 أو 30 أو 31 يومًا، حسب شهرك ويوم راتبك. ما يقسم على شهر افتراضي.
-
التقريب لصالحك
القسمة على الأيام تتقرّب للأقل، فما يعطيك هللة أكثر من اللي عندك.
-
الخطوات قدامك
اضغط على الرقم في التطبيق، ويفتح لك الحساب خطوة بخطوة.
تسجيل العمليات
سجّل صرفك بالطريقة اللي تناسبك
اكتبها بنفسك، أو الصق رسالة البنك، أو جهّز اختصار آبل مرة وحدة. تواز يقرأ الرسالة على جهازك، ونصها ما يطلع من جوالك.
-
اكتبها بنفسك
المبلغ والمتجر في ثوانٍ، ورقم اليوم يتحدّث على طول.
-
الصق رسالة البنك
انسخ نص الرسالة والصقه، وتواز يطلع منه المبلغ والمتجر والتاريخ.
-
اختصار مرة وحدة
تبني الأتمتة بنفسك في تطبيق الاختصارات، وهي اللي ترسل نص الرسالة لتواز. تواز ما يدخل على رسائلك.
النشاط والتحليلات
تعرف وين يروح صرفك
كل عملية بتصنيفها، وتقدر تعلّم أي عملية «غير محسوبة» فما تأثر على رقم اليوم. والتحليلات توريك نمط صرفك عبر الدورة.
النشاط
عمليات اليوم وأمس، وكم منها انحسب من رقم اليوم.
- S Starbucksمطاعم وكافيهات
- N Nahdiصحة وصيدلية
- ص سحب صراف آلينقدي
محسوب من رقم اليوم141.00
التحليلات
وين راح صرفك هالدورة، حسب التصنيف.
- مطاعم وكافيهات 640.00
- تسوّق 410.00
- مواصلات 180.00
مطاعم وكافيهات أكبر حصة هالدورة: 640.00 من 1,230.00.
اسأل تواز
اسأله، والجواب من بياناتك
اسأل تواز يجاوب من بياناتك في تواز، على جهازك. والأرقام في جوابه يحطها تواز من حساباته نفسها — ما يخمّنها.
كم أقدر أصرف اليوم؟
المتاح لك اليوم 399.40 ر.س. — 5,991.00 الباقية للدورة مقسومة على 15 يومًا لين الراتب.
وش عندي اليوم؟
عندك 3 مهام اليوم، أولها «تجديد الإقامة».
-
على جهازك
الأسئلة والأجوبة ما تطلع من جوالك، ولا تنرسل لأي خادم.
-
ذكاء على الجهاز، اختياري
على الأجهزة المدعومة تقدر تنزّل نموذج ذكاء تواز (حوالي 2.3 جيجابايت) ويشتغل بدون إنترنت. بدونه، يجاوب تواز بمنطقه المعتاد.
-
الأرقام من تواز نفسه
الذكاء ما يحسب ولا يعدّل بياناتك؛ كل رقم في الجواب من حسابات تواز الثابتة.
الخصوصية
فلوسك تبقى في جوالك
الحساب كله على جهازك. ما فيه حساب تسجّل فيه، وتواز ما يحتفظ بنسخة من بياناتك المالية.
-
على جهازك، ومشفّرة
راتبك والتزاماتك وعملياتك تنحفظ مشفّرة على جوالك، والتطبيق ما يرسل بياناتك المالية لأي خادم لتواز.
-
رسائل البنك تنقرأ على الجهاز
ما ينحفظ من الرسالة إلا بصمة رقمية ما ترجع نص، عشان نفس الرسالة ما تنسجل مرتين. النص نفسه ما يُرفع ولا يُخزَّن.
-
النسخة الاحتياطية اختيارية
مقفلة افتراضيًا. إذا فعّلتها، تنشفّر على جوالك قبل ما تنحفظ في iCloud حقك، وتواز ما يقدر يقراها.
أسئلة شائعة
قبل ما تحمّل
-
هل تواز تطبيق مصاريف بس؟
لا. أساسه «مصاريفي» اللي يقول لك كم تقدر تصرف اليوم، ومعه «مهامي» و«العداد» و«اسأل تواز» في نفس التطبيق. وتقدر تخفي أي خدمة ما تحتاجها من الشاشة الرئيسية.
-
هل يرتبط تواز بحسابي البنكي؟
لا. ما يطلب بيانات دخول البنك ولا يتصل فيه. تسجّل العمليات بنفسك، أو تلصق نص رسالة البنك، أو تجهّز اختصار آبل يرسل نص الرسالة للتطبيق.
-
هل يقرأ تواز رسائلي؟
لا. أنت اللي تبني الأتمتة في تطبيق الاختصارات، وهي اللي تسلّم نص الرسالة المطابقة لتواز. وعند اللصق، التطبيق يقرأ الحافظة بس لما تضغط زر اللصق.
-
هل المتاح اليوم هو رصيدي؟
لا. هو اللي تقدر تصرفه اليوم بدون ما تضغط على باقي الدورة. رصيدك ما ينضاف لميزانيتك، ويُستخدم بس عشان رقم اليوم ما يتجاوز اللي يغطيه حسابك.
-
وش يصير إذا صرفت أكثر من رقم اليوم؟
يوريك بكم تجاوزت، ويوزّع الباقي على الأيام الجاية، فيصير نصيب كل يوم من بكرة أقل. حدّك اليومي ما يتغيّر إلا إذا غيّرته أنت.
-
والعمليات بعملة أجنبية؟
تبقى معلّقة وخارج الحساب لين يوصل المبلغ النهائي من البنك، أو تأكّده بنفسك.
-
إذا غيّرت جوالي، تنتقل بياناتي؟
تنتقل إذا كانت نسخة iCloud الاحتياطية مفعّلة قبلها. بدونها ما فيه طريقة لنقلها، لأنها ما تكون ضمن نسخ الآيفون الاحتياطية وتواز ما يحتفظ بنسخة منها. الخطوات كاملة في صفحة الدعم.
-
متى تنزل قطّة؟
قطّة تحت التطوير والاختبار الداخلي، وما عندنا موعد نعلنه. لما تنزل بتظهر في التطبيق نفسه، وبتحتاج تسجيل الدخول بحساب Apple. بقية تواز تبقى بدون حساب.
-
كم سعره؟ وهل فيه نسخة أندرويد؟
مجاني وبدون اشتراك. ومتوفر حاليًا للآيفون فقط، بنظام iOS 18 أو أحدث.
اعرف رقم اليوم، ورتّب يومك
جهّز راتبك والتزاماتك مرة وحدة، والباقي يحسبه تواز كل يوم على جهازك — ومعه مهامك ومناسباتك.
مجاني · آيفون بنظام iOS 18 أو أحدث